मिस लिम्बू ‘सिसागेन याक्थुङमा’ प्रतियोगिता सम्पन्नः मादेन, वनेम र थलङ भए मिस लिम्बू

काठमाडौं (नेवाः) ५ असोज । करिब दुई महिना लामो प्रशिक्षणपछि गत शुक्रबार र्याम्पमा उत्रिएका लिम्बू समुदायका युवतीहरुको पहिलो प्रतियोगिता मिस लिम्बू–२०१२ को उपाधि नीलिमा मादेनले जितेकी छिन् ।
ताप्लेजुङकी नीलिमाले २७ प्रतिस्पर्धिलाई पछि पार्दै नगद ५० हजार रुपैया“सहित मिस लिम्बूको ताज पहिरिएकी हुन् । २३ वर्षीया नीलिमा फेसन डिजाइनर हुन् । नायक राजेश हमालले निरनायक चरणमा सोधेको प्रश्नको सबैभन्दा राम्रो जवाफ दिएर नीलिमाले निर्नायायक चरणमा  पुगेका आफ्ना प्रतिस्पर्धीहरुलाई पछाडि पारेकी थिइन् । नीलिमाले परिचयात्मक चरण्ँदेखि नै  आकर्षक हाउभाउ तथा सटिक जवाफ दिएर निर्नायाखारुको मन जितेकी थिइन् । मिस चार्मिङको शीर्षक उपाधि पनि नीलिमाले नै जितिन् ।

प्रज्ञाभवन कमलादी काठमाडौंमा सम्पन्न प्रतियोगितामा बीपी कोइराला स्वास्थ् विज्ञान प्रतिष्ठानमा कार्यरत ताप्लेजुङकै डा. एलिशा बनेमले फर्स्ट रनर्सअपमा चित्त बुझाइन् । उनै डा. एलिशाले बेस्ट हेयरको शीर्षक उपाधि पनि जित्न सफल भइन् । प्रतियोगितामा एलिना थलङले सेकेन्ड रनर्सअपको उपाधि प्राप्त गरिन् ।
पूर्वी नेपाल, काठमाडौं तथा देशबाहिर बसोबास गर्ने लिम्बू समुदायका युवतीहरुले सहभागिता जनाएको यो प्रतियोगितामा १७ देखि २५ वर्षसम्मका युवती प्रतिस्पर्धामा उत्रिएका थिए । याक्थुङ युथ एसोसिएसनले आयोजना गरेको यो प्रतियोगिताका लागि धरान अडिसनबाट ११ तथा काठमाडौं अडिसनबाट १७ जना छानिएका थिए ।
प्रतियोगितामा विभिन्न १६ विधामा शीर्षक उपाधि प्रदान गरिएको थियो । अन्य उपाधितर्फ सुमना लुङ्खिम्बाले मिस कल्चरल, एलिना थलङ र निशा पोमूले मिस ट्यालेन्ट, सुष्मा यक्सोले मिस बेस्ट स्माइल, मुस्कान नेम्बाङले मिस क्याटवाक र भ्युअर्स च्वाइस एवार्ड, बिन्दिया साम्सोहाङले बेस्ट फिगर, अनिता तुम्बापोले मिस फोटोजेनिक, क्रिष्टिना सम्बाहाङ्फेले मिस डिसिप्लिन, सपना थेबेले मिस फ्रेन्डली तथा रेश्मा सम्बाहाम्फेले मिस पङ्चुअल र रेखा फागोले मिस बेस्ट स्किनको उपाधि जिते ।
करिब तीन घण्टा चलेको प्रतियोगितामा गायक दीपक लिम्बू, भीम लिम्बू, रुकमान लिम्बू र श्रेयसी चेम्जोङले सुमधुर गीतमार्फत कायक्रमलाई थप मनोरञ्जन दिलाएका थिए ।
यस स्पार्क मिस लिम्बू प्रतियोगिताको प्रायोजन स्पार्क हाइड्रो इलेक्ट्रिक्स र बराह ज्वेलरी लगायतले रहेका थिए ।