सिरियामा सैन्य हस्तक्षेप गर्ने ओबामाको चेतावनी

५ भदौ, काठमाडौं । अमेरिकी राष्ट्रपति बाराक ओबामाले सिरियाले रासायनिक हतियारको प्रयोग गरे सैन्य हस्तक्षेप गर्ने चेतावनी दिनु भएको छ ।

सिरियाली अधिकारीहरुले रासायनिक हतियार प्रयोग गर्ने प्रयास गरिरहेको अपुष्ट समाचार आइरहेका बेला आबामाले अमेरिकाले यसबारे नजिकबाट निगरानी गरिरहेको बताउनु भयो । ओबामाले रासायनिक तथा जैविक हतियारको मुद्धा सिरियाका लागि मात्र नभई अमेरिका र उसका सहयोगी इजरायल लगायतका लागि पनि चिन्ताको विषय भएको बताउनु भएको छ ।

अमेरिकी राष्ट्रपति ओबामाले अहिले सैन्य हप्तक्षेपको आदेश नदिएको तर, सिरियाबारे आपतकालिन योजना बनिरहेको बताउनु भएको छ । सिरिया रासायनिक हतियारको विश्वको चौथो ठूलो भण्डारकर्ता हो ।