नेपाल पत्रकार महासङ्घ यूकेको १४ औँ वार्षिकोत्सव सम्पन्न, खगेन्द्र नेपालीलाई वर्ष पत्रकारिता सम्मान ।

नेपाल पत्रकार महासङ्घ यूकेले  गत ३ अक्टोबर २०२५ तारिखको दिन अल्डरसटस्थित एम्पायर हलमा १४ औँ वार्षिकोत्सव मनाएको छ

उक्तकार्यक्रालाई बेलायतका लागि नेपाली राजदूत चन्द्रकुमार घिमिरे, नेपाल पत्रकार महासङ्घ केन्द्रीय अध्यक्ष निर्मला शर्मा र बेलायत शाखा अध्यक्ष विमला सेनेले कार्यक्रालाई उद्घाटन गरेका थिए ।

वार्षिकोत्सव कैअवसरमा शाखाले यसै वर्षदेखि सुरु गरेको वर्ष पत्रकारिता सम्मान २०२५ बीबीसी नेपाली सेवाका पूर्वप्रमुख वरिष्ठ पत्रकार खगेन्द्र नेपालीलाई प्रदान ।गरिएको थियो । पत्रकार नेपालीलाई २५१ पाउण्ड नगद, दोसल्ला र प्रमाणपत्रसहित सम्मान गरिएको थियो ।

पुरस्कार छनोट समितिका संयोजक वरिष्ठ पत्रकार सुमन खरेलले सम्मानित व्यक्तित्व नेपालीको पत्रकारितामा पाँच दशक लामो योगदानबारे जानकारी दिए  ।

नेपाल महासङ्घ केन्द्रीय अध्यक्ष निर्मला शर्माले नेपालदेखिको पत्रकारिताको निरन्तरता दिन विदेशमा समेत यस पेसामा क्रियाशील हुनु चुनौतीपूर्ण रहेको बताउँदै अध्यक्ष शर्माले बेलायतको पत्रकारिताबाट केही नयाँ सिकेर नेपालमा लैजान सुझाव दिइन् ।

उनले आफू पहिलो महिला अध्यक्षले र वैदेशिक शाखाको पहिलो महिला अध्यक्ष विमला सेनेलाई प्रत्यक्ष बधाई दिन पाउनु गर्वको विषय भएको बताईन ।

राजदूत घिमिरेले यहाँका पत्रकारलाई आगामी दिनमा ब्रिटिस मेन स्ट्रिम मिडियामा कसरी आबद्ध हुन सकिन्छ त्यसबारे सोच्ने र पत्रकारिता क्षेत्रमार्फत नेपाल–बेलायत सम्बन्ध प्रगाढ बनाउन अतुलनीय योगदान दिएको देख्न र सुन्न पाउने विश्वास गर्ने बताए । उनले राज्य बलियो बनाउन राज्यको चौथो अङ्ग पत्रकारिको महत्वपूर्ण भूमिका हुने उल्लेख गर्दै राजदूत घिमिरेले फुटेरभन्दा जुटेर शक्ति बढाउने काम गर्न आग्रह गरे ।

शाखा अध्यक्ष विमला सेनेले अग्रजहरुको मार्गदर्शन मानेर अगाडि बढ्ने जनाउदै बेलायतमा बसेर पनि सानातिना कुरामा अल्झदा समुदायमा राम्रो सन्देश नजाने भएकाले सबैलाई एकताबद्ध हुन आग्रह गरिन् ।

सो अवसरमा कार्यक्रम संयोजक एवं वरिष्ठ उपाध्यक्ष नरेन्द्र बस्नेतले स्वागत मन्तव्य दिँदै शाखाको १४ वर्ष यताका गतिविधि समेटिएको वृत्तचित्र पनि प्रस्तुत गरेका थिए ।