पूर्वाञ्चल स्तरीय महिला भलिबल प्रतियोगिता सम्पन्न

सन्तोष रुचाल
धनकुटा, २० असोज । धनकुटामा सञ्चालित पूर्वाञ्चल स्तरीय क्षेत्रीय महिला भलिबल प्रतियोगिताको उपाधी उदयपुरले हात परेको छ ।
प्रतियोगिताको आज भएको फाईनल खेलमा घरेलु टिम धनकुटालाई २५–१६, २५–१९ र २५–१६ को सोझो सेटले पराजित गर्दै उपयपुरले प्रतियोगिताको उपाधी जितेको हो । उपाधी जित्ने उदयपुर सेमिफाईनल खेलमा झापालाई पराजित गर्दै फाईनलमा प्रवेश गरेको थियो भने उपबिजेता धनकुटा सुनसरीलाई पराजित गर्दै फाईनलमा प्रवेश गरेको थियो ।

फोटो : धनकुटामा सञ्चालित पुर्वाञ्चल स्तरिय क्षेत्रिय महिला भलिबल प्रतियोगिताको उपाधी हात पारेपछि सामुहिक तस्वीर खिचाउँदै उदयपुरका खेलाडीहरु । सन्तोष रुचाल,धनकुटा

सेमिफाईनलमा प्रवेश गरेका झापा र सुनसरी भने शुक्रवार नै खेलबाटै बाहिरीएका थिए ।
प्रतियोगिताको बिजेता उदयपुरले ५० हजार नगद, सिल्ड र प्रमाणपत्र हात पारेको छ भने भने उपबिजेता धनकुटाले २५ हजार नगद, सिल्ड र प्रमाणपत्रमा चित्त बुझायो ।
मदन भण्डारी स्पोट्स एकेडेमीको आयोजनामा तिन दिनसम्म सञ्चालित प्रतियोगितामा पूर्वका संखुवासभा, मोरङ, भोजपुर, ताप्लेजुङ, झापा, सुनसरी समेत गरी ८ टिमको सहमागिता रहेको थियो ।