सुनिता थेबेको हावाले पनि म्युजिक भिडियो तथा एल्वम “हौसला” सार्बजनिक ।
सुरेन्द्र इङ्नाम– फक्स्टन, बेलायत
गत २२ जुन २०१४ तारिखको दिन बेलायत, फक्स्टनको चेरिटनमा गायिका सुनिता लिम्बु थेबेले हावाले पनि म्युजिक भिडियो तथा गीति एल्वम “हौसला” सार्बजनिक गर्यो ।
उक्त कार्यक्रममा प्रमुख अतिथि २ आर जी आरका गोर्खा मेजर डम्बर बहादुर शाहि रहनु भएको थियो भने अतिथिहरुमा क्या. किशोर रोका, क्या. सेवन्त पुर्जा पुन, गायक, तथा भु. पु काउन्सिलर (सेपवे डिष्ट्रिक काउन्सिल) धन गुरुङ, ब्यापारी गोकर्ण चोङ्बाङ, गायक, तथा पुलिस अफिसर केन्टका बिजय बेघा, सेवारो कलाकार संघ युकेका अभ्यक्ष काजीमान यक्सो, कि.या.चु. युकेका भुपु अध्यक्ष डम्बर सिङ्गक, विश्व नेपाली साहित्य महासंघ केन्द्रिय समितिका अध्यक्ष तथा गीतकार, साहित्यकार विश्वासदिप तिगेला, गीतकार निर्मला परिवेश राई, गीतकार, अनलाईन साहित्य “कला साहित्य डटकम” का प्रधान सम्पादक तथा प्रवाशी नेपाली साहित्य समाजका भुपु अध्यक्ष सुरेन्द्र इङ्नाम रहनु भएको थियो ।
क्या. काजीमान लिम्बु एम सी ले सो कार्यक्रमको औपचारिक रुपमा स्वगत मन्तब्य दिएपछि एल्वम “हौसला” को बारेमा शुभकामना तथा मन्तब्य ब्यक्त गर्दै ‘लेखक तथा गीतकार मुकेश राईले यो हौसलामा मेरो पनि एउटा गीत “हृदयको पानाभरी” वहाको स्वरमा रेकर्ड गर्ने अवसर मिल्यो, साथै भविश्यमा अझै प्रगतीको कामना ब्यक्त गर्नुभयो । सोहि क्रममा बोल्दै म्युजिसियन तथा गायक क्या. हेम कुमार तामाङले भन्नुभयो “जीन्दगी कहिले दियो भई जल्छ” मा सङ्गीत भरेर गायिकालाई सहयोग गर्न सके के कस्तो छ भन्दै प्रतिकृया पाउने आशा गर्नुभयो । भुपु काउन्सिलर धन गरुङले पल्टनघरको विगत र वर्तमान स्थिितीलाई नियाल्दै भन्नु भयो पहिले परिबेश फाल्टै तियो तर अहिले पल्टनघरमा सांगेतिक तथा साहित्यिक माहोल निकै कठिनताले यहाहरुले यहासम्म ल्याउनु भएको छ । मेजर डम्बर शाहिले थप्नुभयो “मैले जागिरको दौडानमा २ आर जी आर मा मात्र सम्भवत साहित्यिक र सांगेतिक माहोल पाए” । गायक तथा अजम्बरी डटकमका सम्पादक भुमिराज राईले आफ्नै पल्टनको गायिका सुनिता दिदिको यस एल्बमलाई “अजम्बरी अडियो भिडियो क्रिएसन” ले मार्केटिङ गर्ने अवसर मिलेको साथै भविश्यमा पुन वहालाई सहयोग गर्ने प्रतिबद्घता गर्नुभयो । मन्तब्यकै क्रममा काजीमान यक्सो, डम्बर सिङगक र बिजय बेघाले उक्त एल्बम र भिडियोको बारेमा बोल्नु भएको थियो । ’
कार्यक्रमको अर्को चरणमा मेजर डम्बर शाहिको बाहुलीबाट एल्वमको म्युजिक भिडियो क्लिक गरेर सार्बजनिक गरेको थियो । उक्त म्युजीक भिडियो हेरेपछि उपस्थित सबैले सकारात्मक जनकारी ताली दिएर जनाएका थिए ।
कार्यक्रमको अन्त्यमा गायिकाले एल्वमको विमोचन नेपालमा गरेपनि आफ्नै पल्टनबाट पनि पल्टनका सिनियर दाजुको हातबाट सार्बजनिक गर्ने मनसायले र म्युजिक भिडियोको बिमोचन गर्ने उदेश्यले यस कार्यक्रम राखेको ब्यक्त गर्नुभयो । उपस्थित सबैलाई यस कार्यक्रमको लागी दिनुभएको समयको लागी आभार प्रकट गर्नुभएको थियो । यस कार्यक्रमलाई कुशल गीतकार निलम आङ्बुहाङले सन्चालन गर्नुभएको थियो ।