बृहत लिम्बुवान एकताको पारित सम्झौता तपसिल बमोजिम रहेको छ –
बृहत लिम्बुवान एकताको पारित सम्झौता तपसिल बमोजिम रहेको छ –
आत्मनिर्णयको अधिकारसहितको लिम्बुवान स्वायत्त प्राप्तीलाई मुख्य उद्देश्य मान्ने कुरामा सहमत हुादै लिम्बुवानका ५ राजनीतिक दलहरुले भेडेटार बैटकबाट पार्टी एकिकरण गरी संघीय लिम्वुवान पार्टी, नेपाल नामक पार्टी निर्माण गरेका छन् । यो एक प्रस्थान विन्दु हो । लिम्बुवानमा वसोवास गर्ने सबै जाति, सम्प्रदायहरुलाई 
लिम्बुवानमा समान हैसियत, प्रतिष्ठानको वातावरण सिर्जना गर्नुपर्दछ । लिम्बुवान लिम्बु जातिले परापूर्व कालदेखि वसोवास गर्दै आएको ऐतिहासिक भूमिको नाम हो । जहाा अहिले पनि ताप्लेजुन जिल्लाको कुरा गर्ने हो भने लिम्बु थरहरु साावा, लिवाङ, नाल्बु, सावादेन, खोक्लीङ, लिङथेप जस्ता नाउाबाट गाउाविकास समितिहरुका नामहरु राखिएका छन् जहाा वाहुन क्षेत्री, राई, गुरुङ, तामाङहरु निर्वाध रुपमा वसोवास गर्दै आएका छन् । त्यसवखत लिम्बुवान जातिवादी नहुने, अहिले कसरी जातिवादी हुने ? यस्ता गलत प्रचार गरेर लिम्बुवानवासीहरु विच फुट ल्याउने र राज्यसत्ता आफनो हातमा लिइरहने प्रपञ्चलाई तोड्न र यिनै आरोपहरुको सबै मिलेर प्रतिवाद गर्न अव लिम्बुवानी नेता, कार्यकर्ता, वुद्धिजीवि, पेशाकर्मीहरु एकजुट भई अगाडि वढ्न पार्टीहरु एक जुट भएका छन् । यसले आगामी माघ ८ गतेसम्ममा लिम्बुवान प्राप्तीको आन्दोलनलाई निष्कर्षमा पुर्याउन आाधीवेहरी सिर्जना गनेैछ ।
पार्टी एकीकरण सम्झौता निम्नवमोजिम रहेको छ ।
लिम्बुवान पक्षधर राजनीतिक पार्टीहरूबीचको बृहत एकीकरण सम्झौता
-२०७१ साउन १९ गते /अगष्ट ४, २०१४)
नेपाली जनताले न्याय, समता र लोकतन्त्रका खातिर पटक पटक गरेको संघर्षलाई सम्मान गर्दै र लिम्बुवानबासी जनताले विगत लामो समयदेखि लिम्बुवान स्वायत्तताको लागि निरन्तर वलिदानीपूर्ण संघर्ष गर्दै आएको इतिहासलाई स्मरण गर्दै,
वि.सं. १८३१ मा गोर्खा-नेपाल) र लिम्बुवानबीच सम्पन्न ऐतिहासिक लालमोहर सन्धि, तत्पश्चात् लिम्बुवान स्वायत्ततामाथिको अतिक्रमण विरुद्ध पटक पटक भएका विद्रोह, संघर्ष र आन्दोलनहरूलाई स्मरण गर्दै,
लिम्बुवान स्वायत्त राज्य स्थापनाको आन्दोलनको क्रममा ऐतिहासिक पृष्ठभूमिको आधारमा लिम्बुवान राज्य सुनिश्चित गरिनेछ भन्ने नेपाल सरकार र संघीय गणतान्त्रिक मोर्चा अन्तर्गत मञ्च सम्बद्ध संघीय लिम्बुवान राज्य परिषद् र संघीय लिम्बुवान राज्य परिषद् -क्रमशः वि.सं. २०६४ फागुन १८ र चैत्र ६ गते) बीच भएको ५/५ बुादे सम्झौतालाई आधार मान्दै,
सिरिजङ्गा, फाल्गुनन्द लगायतका विभूतिहरूको योगदानलाई शीरोधार्य गर्दै, २००८ सालको इमानसिंह चेम्जोङ नेतृत्वको लिम्बुवान सुधार संघ, २०४३ मा वीर नेम्बाङ नेतृत्वको लिम्बुवान मुक्ति मोर्चा, २०६२ कोसञ्जुहाङ पालुङ्वा, कुमार लिङ्देन र कमल छाराहाङ नेतृत्वको संघीय लोकतान्त्रिक राष्ट्रिय मञ्च र संघीय लिम्बुवान राज्य 
परिषद लगायतले निरन्तर गर्दै आएको संघर्षहरुलाई आत्मसात गर्दै,
दशवर्षे सशस्त्र संघर्ष र जनआन्दोलन २०६२/६३ को उपलब्धीहरूको रक्षा गर्दै,
आदिवासी अधिकार सम्बन्धी संयुक्त राष्ट्र संघीय घोषणा पत्र र आइएलओ अभिसन्धी १६९ लाई पनि आत्मसात गर्दै,
लिम्बुवान स्थापनाको निम्ति किरात याक्थुङ चुम्लुङको पहलमा लिम्बुवानमा क्रियाशील सबै राजनीतिक दलहरू सम्मिलित संयुक्त लिम्बुवान मोर्चा -वि.सं. २०६५), संघीयता कार्यान्वयन लिम्बुवान संघर्ष समिति -वि.सं. २०६६) को प्रयासलाई आत्मसाथ गर्दै र लिम्बुवान पक्षधर राजनीतिक पार्टीहरू सम्मिलित संयुक्त लिम्बुवान मोर्चा नेपालद्वारा जारी प्रस्तावित लिम्बुवान स्वायत्त राज्यको अन्तरिम विधान-२०६९ लाई स्रोत मान्दै,
मञ्चसम्बद्ध संघीय लिम्बुवान राज्य परिषद र संघीय लिम्बुवान राज्य परिषदबीच २०७० माघ १५ गते सम्पन्न १५ बुादै सहमतिलाई सन्दर्भ सामग्री बनाउदै र संगठित तथा असंगठित रुपमा भएका संघर्षहरू समेतलाई स्मरण गर्दै,
काङ्सोरे, विजयबहादुर लिम्बू, राजकुमार आङदेम्बे “माङ्तोक”, मनिल तामाङ, विजय आङदेम्बे, विवेक चेम्जोङ लगायतका शहीदहरूको सपनालाई साकार पार्ने दृढ संकल्प गर्दै,
अरुण-सप्तकोशीपूर्व ९ जिल्ला लिम्बुवान, सम्पूर्ण लिम्बुवानबासी जनताको साझा भूमी हो भन्ने तथ्यलाई आत्मसात गर्दै,
लिम्बुवान स्वायत्त राज्य स्थापनाको मुद्दालाई प्रमुख एजेण्डा बनाई आन्दोलनरत भिन्न भिन्न दलमा रहेका सबै शक्तिहरू एकढिक्का भई एकीकृत शक्ति निर्माण गरी आन्दोलनको आाधीबेहरी सृजना गर्न एकता अपरिहार्य भएको तथ्यलाई हामी सबैले महसुस गरेका छौं । त्यसैले छरिएर गरिने आन्दोलनबाट लक्ष्य प्राप्त गर्न कठीन हुने वास्तविकतालाई मध्यनजर गरी आगामी दिनमा आन्दोलनलाई अझ घनीभूत र तेज बनाई संघीयता र पहिचानको मुद्दालाई सुनिश्चित गराउनका लागि एकताबद्ध भई अगाडि बढ्न ऐतिहासिक पृष्ठभूमि र पहिचानका आधारमा
अरुण-सप्तकोशी पूर्व ९ जिल्ला संघीय लोकतान्त्रिक गणतन्त्र नेपाल अन्तर्गत लिम्बुवान स्वायत्त राज्य स्थापना गर्न र यसको संस्थागत विकासका निम्ति सशक्त र निणर्ायक आन्दोलनमा जानुपर्ने वस्तुगत परिस्थितिलाई मध्यनजर गर्दै निम्न बुादाहरूमा सहमत भई हामी तपशीलका लिम्बुवान पक्षधर पार्टीहरूले बृहत लिम्बुवान एकीकरण गरेका छौं ।
१. लिम्बुवान भूमि लिम्बुवानबासी सबै जात जाति, वर्ग, लिङ्ग, समुदाय र धर्मावलम्बीहरूको साझा घर हो । लिम्बुवानमा यी जातीय समुदाय र पहिचानकाबीच समान हैसियत, प्रतिष्ठा र अधिकारको आधारमा शक्ति र सत्ताको साझेदारी गर्ने कार्यलाई केन्द्रबिन्दु मानिनेछ । यही पृष्ठभूमिमा संघीय लोकतान्त्रिक गणतन्त्र नेपाल अन्तर्गत अरुण-सप्तकोशीपूर्व ९ जिल्ला आत्मनिर्णयको अधिकारसहितको लिम्बुवान स्वायत्त राज्य -प्रदेश) स्थापना गर्ने आन्दोलनलाई सशक्त र निणर्ायक रुपमा अघि बढाउन प्रतिवद्ध छौं ।
२. लिम्बुवान नेपालको एक संघीय स्वशासित इकाईको रुपमा रहनेछ । लिम्बुवान स्वायत्त राज्य अन्तर्गत थातथलो खुलेका आदिवासी जनजातिहरूको स्वायत्त वा संरक्षित क्षेत्रहरू रहनेछन् । भाषिक, साास्कृतिक, अल्पसंख्यक, महिला, दलितहरूको लागि विशेष संरक्षण र हक-अधिकारको सुनिश्चितता गरिनेछ । आदिवासी जनजाति, मधेसी, मुस्लिम तथा खस आर्य समुदाय बहुल क्षेत्रलाई बसोबासको संघनताका आधारमा सांस्कृतिक स्वायत्त क्षेत्रहरू बनाइनेछ ।
३. बृहत लिम्बुवान एकता गर्दै, राष्ट्रिय राजनीतिक शक्ति निर्माण गर्ने सहमतिमा बृहत लिम्बुवान एकता बैठकमा उपस्थित सबै पार्टीहरुबाट पार्टी एकीकरण गर्ने सहमति गरियो । संघीय नेपाल अन्तर्गत खम्बुवान -किरात), ताम्सालिङ, नेपालमण्डल, तमुवान, मगरात, खसान, थरुहट, मधेश स्वायत्त राज्य प्राप्तिको आन्दोलनलाई लिम्बुवानले नैतिक समर्थन गर्ने र पहिचानवादी राष्ट्रिय शक्ति निर्माण गर्न एकीकृत पार्टीले आवश्यक ठानेमा संघीय लोकतान्त्रिक राष्ट्रिय मञ्च/संघीय गणतान्त्रिक पार्टीलाई आधार मान्दै नयाा रुपमा जान सकिनेछ ।
४. संघीय सह-अस्तित्ववाद, धर्मनिरपेक्षता, संघीयता, लोकतन्त्र, गणतन्त्र, समाजवाद, बहुल राष्ट्रवाद र पूर्ण समानुपातिक प्रतिनिधित्वलाई पार्टीले छलफल गरी एकीकृत पार्टीको वैचारिक धार निर्माण गर्नेछ ।
५. एकीकरणमा सहभागी हुने पार्टीहरूको सांगठानिक जनाधारको आधारमा संगठनको सबै तहमा सम्मानजनक रुपमा समायोजन गरिनेछ ।
६. एकीकृृत पार्टीको नाम, झण्डा, चुनाव चिन्ह र पदीय समायोजन परिशिष्ट-१ मा व्यवस्था भएवमोजिम हुनेछ ।
७. लिम्बुवान स्थापनाका लागि पार्टीको कार्यदिशा र स्वरुपहरू तय गर्नका लागि विधान, घोषणापत्र, नारा, आन्दोलनको खाका र आचारसंहिता तयार गरी जारी गर्ने ।
८. लिम्बुवान एकतालाई दीगो राख्न र बृहत एकतालाई थप बल पुर्याउन तुम्म्याहाङ तथा बुद्धिजीबिहरू सम्मिलित लिम्बुवान सहजीकरण समूहलाई स्वतन्त्र निकायको रुपमा निरन्तरता दिने ।
९. लिम्बुवान स्वायत्त राज्य स्थापना र यसको संस्थागत विकास नभई माथि उल्लेखित सहमतिहरूलाई भङ्ग गरी हामी एकताबाट कोही पनि टुट्ने फुट्ने छैनौं । सो कुरालाई आधार मानी लिम्बुवानी जनता र भूमीलाई सााक्षी राखी प्रतिबद्ध रहनेछौं ।
उपरोक्त बुादाहरुमा सहमत भई बृहत लिम्बुवान एकताका लागि पार्टी एकीकरणको गर्न पार्टी अध्यक्षहरू, संवाद समिति, वार्ता समिति र तुम्म्याहाङ/वुद्धिजीविहरूसमेतले हस्ताक्षर गरेका छौ ।
बृहत लिम्बुवान एकताका लागि बनेको संवाद समिति
१. संयोजक: डा. चन्द्रकुमार सेर्मा लिम्बु
२. सदस्य: गोविन्द आङबुङ
३. सदस्य: राम मादेन
४. सदस्य: आरजु सुब्बा
५. सदस्य: कमला आङ्देम्बे
बृहत लिम्बुवान एकताका लागि वार्ता समिति:
संयोजक: खगेन्द्र माखिम, मञ्च सम्बद्ध लिम्बुवान राज्य परिषद
सह-संयोजक: फक्ताङलुङ योङहाङ, मञ्च सम्बद्ध लिम्बुवान राज्य परिषद
सदस्य: प्रेमदीप थाम्सुहाङ, मञ्च सम्बद्ध लिम्बुवान राज्य परिषद
सदस्य: वाङ्गाई धिमाल, मञ्च सम्बद्ध लिम्बुवान राज्य परिषद
सदस्य: शान्ता योङहाङ, मञ्च सम्बद्ध लिम्बुवान राज्य परिषद
सदस्य: विसेन्द्र चेम्जोङ, मञ्च सम्बद्ध लिम्बुवान राज्य परिषद
सदस्य: दिलेन्द्र कुरुम्बाङ, मञ्च सम्बद्ध लिम्बुवान राज्य परिषद
सदस्य: डी.बी.आङबुङ, मञ्च सम्बद्ध लिम्बुवान राज्य परिषद
सदस्य: इन्द्र श्रेष्ठ, मञ्च सम्बद्ध लिम्बुवान राज्य परिषद
प्रतिनिधि: सूर्य माखिम, संघीय लिम्बुवान राज्य परिषद
प्रतिनिधि: लाजेहाङ साम्यू, संघीय लिम्बुवान राज्य परिषद
प्रतिनिधि: दिपक मेन्याङबो, लिम्बुवान मुक्ति मोर्चा
अध्यक्ष: रामभक्त कुरुम्बाङ, लिम्बुवान मुक्ति मोर्चा नेपाल तुम्म्याहाङ/बुद्धिजीविहरु:
तुम्याहाङ: मञ्जुलकुमार याक्थुङवा
तुम्याहाङ: डा. कृष्ण भट्टचन
तुम्याहाङ: डा. महेन्द्र लावती
तुम्याहाङ: डा. युवराज लिम्बू
तुम्याहाङ: नन्द कन्दङवा
तुम्याहाङ: अर्जुन नुगो लिम्बू
तुम्याहाङ: उत्तम थाङ्देन
तुम्याहाङ: खगेन्द्र जवेगु
तुम्याहाङ: नेत्र तुम्बाहाम्फे
तुम्याहाङ: बालकृष्ण माबोहाङ
तुम्याहाङ: शंकर लिम्बू
तुम्याहाङ: अमर तुम्याहाङ
तुम्याहाङ: भवानी बराल
तुम्याहाङ: डम्बर चेम्जोङ
तुम्याहाङ: कमल तिगेला लिम्बू
सहमतिमा हस्ताक्षर गर्ने दलहरु:
१) कुमार लिङ्देन ‘मिराक’ मञ्च सम्बद्ध संघीय लिम्बुवान राज्य परिषद
२) वीर नेम्बाङ: लिम्बुवान मुक्ति मोर्चा
३) रामभक्त कुरुम्बाङ: लिम्बुवान मुक्ति मोर्चा नेपाल
४) कमल छाराहाङ: संघीय गणतान्त्रिक पार्टी
५) सञ्जुहाङ पालुङ्वा: संघीय लिम्बुवान राज्य परिषद ।
स्रोत – राम मादेन ( संवाद समिति सदस्य )
