मेडिस्टन गोर्खा नेपाली समाजको वार्षिक साधारण सभा सम्पन्न ।
गत सन १४ जनवरी २०२३ को दिन बेलायतको मेडिस्टनमा मेडिस्टन गोर्खा नेपाली समाजको आफ्नै समाज घरमा ७ औ कार्यसमितिले वार्षिक साधारण सभा सम्पन्न गरेको हो ।
उक्त सभामा वर्ष भरि भएका गतिविधिहरु, आयब्याय र आर्थिक कारोबारहरुको पार्दर्शिता गरिएको थियो। यस्का अलावा मेडिस्टन काउन्शिल बाट प्राप्त सहयोग रकमलाई अतिआवश्यक ब्याक्तिहरुलाई जस्तै: डिसेबल ब्याक्तिहरु र अन्यलाई अतिरिक्त सामग्रीहरु सो रकमबाट बाडिएको हो ।
यस्का साथै समाजले मेडिस्टन वोरो काउन्शिल सँग सहकार्य गरेर मेडिस्टन मेला, रिमेम्बरेन्स परेड (पुर्खा दिवश) र अन्य साना कार्यक्रमहरुमा सहभगिता गर्दै आएको छ । स्मरण रहोस करिव १५ वर्ष अगाडी यस काउन्शिलले मेडिस्टन म्यूजियमको प्रवेश द्वारको अगाडि ठुलै ठाउँ दिएर गोर्खा स्टाचू राखेको छ जस्ले गोर्खाहरुको सम्मान र गोर्खा ईन्जिनियर्सको ईज्जत बढाएको छ ।
विगत केहि वर्षयता नानीहरुको लागि नेपाली भाषा कक्षा सन्चालन हुँदै आएको र उक्त कार्यको लागि केहि पुर्वधार र आवश्यक सामाग्रीहरु मेडिस्टन वोरो काउन्शिलबाट प्राप्त भएको र शुचारु राख्नलाई नानीहरुको बा-आमाबाट चहिएको बेलामा थोरै रकम कहिले काहि लिएर काम चलाएको जानकारि संयोजक शकुन गुरुङ्ले दिए ।
यस साधारण सभामा समाजघरको हलबाट आएको आयब्यायको प्रतिवेदन मोहन तमाङ ज्यूले दिएका थिए । समाजका सिनियर भेट्रानको गतिविधी समाजका अध्यक्ष तिलकराज थापा, महिला कमिटीको गतिविधी शकुन गुरुङ्, खेलकुद गतिविधी कोर्डिनेटर लोक प्रसाद लिम्बुले वार्षिक प्रतिवेदन प्रस्तुत गर्दै भावि योजनामा गोर्खा कपमा समाजबाट प्रतिनिधि टिम समावेश गराउने योजना प्रस्तुत गरे, ईन्टर्टेन्मेन्ट सचिव युनिल गुरुङ, मेडिया गतिविधी सुरेन्द्र ईङ्नाम, मेडिस्टन वोरो काउन्शिल सँगको सहकार्य तथा गतिविधीबारे वार्षिक प्रतिवेदन काउन्शिलर दिनेश खड्काले बुझाएका थिए ।
उक्त साधारण सभाको अन्त्यमा वर्तमान अध्यक्ष ध्रुब गौतमले वर्षभरि गरिएका गतिविधिहरुमा प्रतिनिधि तथा विषेश सहयोग दिएर गरेर सफल भएकोले सम्पूर्णलाई धन्यवाद दिदै भावि कार्य योजनाहरुको जानकारि दिदै साधारण सभा समापन गरेका थिए ।
विहान ११ बजे देखि दिउसोको ३ बजे सम्म चलेको सभालाई उपाध्यक्ष महेन्द्र के सी र आचु गुरुङ्ले सामुहिक सञ्चालन गरेका थिए।
